المدير Admin
عدد الرسائل : 776 العمر : 29 تاريخ التسجيل : 12/07/2008
| موضوع: يلا بينا كل واحدة فينا تحكي موقف طريف حصل مع طفلها الخميس أكتوبر 09, 2008 12:37 pm | |
| ازيكم يا بنات ايه رأيكم يا بنات كل واحدة. فينا تدخل وتحكيلنا موقف حلو طريف ضحكها حصل مع ابنها والل عندها اكتر من طفل تحكي بردو وتضحكنا معاها
وانا هبتدي بنفسي معاكم.... احم احم
مرة لما كنا في مصر بيدو كان عنده سنتين ونص لقيته جاي وبيديني حاجة في ايدي وبيقولي بكل براءة: دي لكي يا ماما يا حبيبتي خدتها منه بكل رقة وحنان وابتسامة عريضة:36_1_1[1]: وبقوله: شكرا يا بيدو يا حبيبي وببص اشوف ايه ده، لقيتها كريستال زي اللي في نجفة الصالون بتاعتنا!!! فجأة....الابتسامة العريضة اتشالت وحل محلها تكشيرة أعرض وقلتله وأنا بجز على أسناني من الغيظ: ودي جبتها منين يا حبيبي ؟ خدني من ايدي ببراءة الأطفال وطلعنا الصالة وشاورلي على النجفة بكل فخر وقالي: من هنا!!! استغربت أوي وقلتله: ودي جبتها أزاي يا بيدو يا حبيبي وياريتني ما سألت لقيته قلع الشوز بتاعه بسرعه وحدفه عالنجفة ملحقتش أمنعه بمعنى أصح مكنتش متوقعة ولا مستوعبه وتك تك تك نزل كريستال كتير أنا اتخضيت وصرخت وشديت بيدو أبعده لقيته بيقولي وهو فرحان ومبسوط: متخافيش يا ماما ، بصي فيه كتير أزاي!!! ووطى يجمع الكريستال الل اتكسر كأنه بيجمع تفاح من الشجرة!!! :36_1_19[1]::36_1_19[1]::36_1_19[1]::36_1_19[1]: قعدت اضحك ضحك بهستيريا من الموقف ده ولحد دلوقت لسه فاكرة الموقف كأنه حصل امبارح ولسه كمان بضحك عليه وبقول الأطفال دول عليهم حاجات تموت م الضحك وبيعملوها بكل براءة ونقاء
ها يا بنات... مين تاني هيحكيلنا حكاية حلوة ويضحكنا معاه؟ مستنية مشاركتكم وردودكم معانا وربنا يخليلنا ولادنا ويبارك فيهم ويحميهم امين يارب العالمين. | |
|